|
SubscriptionsSites I Read
|
|
|
|
| Wowow~ 話咁快又到左年尾, 2009 年好快就過 lu~ 你地究竟係過去既一年做過咩呢? 有冇野係值得你好 proud 咁去同我分享既先? 唔好講我知你成功打爆左個game、成功一次過食左 30 粒燒賣個d就叫「好proud」喎! 我想聽既係「Mia, 我終於作到一篇升到呢既文啦! Level 5 / B呀!!!」、「Mia, 我結果都成功溫番晒上年個堆筆記啦!」, 依d先叫勁丫麻!!!! 我真係好想親耳聽下你地既 feeling。平時咁鬼多 video 班, 就算係上 live, 轉堂時間又唔多, 都好少機會可以同你地傾下計咁, 所以唔搞番個 gathering 點得。 加上我每年1月都會整一次 gathering 既, 今年就早d啦, 唔想你地越近考試仲去玩, 玩到回唔到魂麻~ ^v^ 今年我地既聚會都係 BBQ 啦~ 其實我都應你地既要求諗過轉下唱 k 架, 你知啦, 唱歌乃小女子強項丫麻, 如果 book 到紅館, 我一定係個度搞 gathering 架! Hoho~ 可惜, karaoke 房又好難 book 到個可以坐到咁多人既。 況且, 我一定會係狂爭 mic 個 d 黎架, 我試過因為爭 mic 而同某肥佬嗌交冷戰左 1 星期, 我唔想到時你地淨係聽我齋唱, 冇咩時間靜靜地同我傾下計麻。 你地一定都好想 8 掛下, 聽下我 d 私人野架啦, hoho~ 就 BBQ 就最啱啦, 一邊食, 一邊傾。 拿, 為左就各區既同學仔, 今年唔揀 Tuen Mun lu, 試下荔枝角丫, 睇下可唔可以方便到各位先。 地點: 九華徑燒烤場 [荔枝角荔景山路道九華徑舊村] [暫定,睇下book唔book到位] (http://www.openrice.com/restaurant/reviews.htm?shopid=17794) 交通: 地鐵美孚站 C出口 -->步行15min. or 美孚站 A出口搭小巴, 叫"樂園" 有落. (村口會有牌指示) 日期及時間: 12月27日 (Sunday) 5pm – 10pm 主辨人仕: 英文女皇 Mia Wong + 化學天后 Dr.Sally Wong 最高聯絡人: 助教 David 仔 神秘嘉賓: 某補習天王 / 天后 (話明係神秘, 我係唔會講係邊個, 除非你求下我, la la la~) 參加者資格: 所有 Mia 同 Sally 既新/舊學生, 亦歡迎帶朋友仔 參加辦法: 12月24日11pm前, 致電 6886 0600, 搵 David 留低資料 * 為求大家 “hap hap py py” 過聖誕, 各參加既同學仔都可獲一份由Mia同Sally精心選購既禮物仔 ^v^ * 為免行程有變而又通知唔切大家, 請留意本人xanga update 既最新動向 | | |
| 補祝番 Dr Sally Wong 生日快樂先~ 祝你長期索下去, 個個都補你~ hehe~ 為左要買份正禮物比你, 我 shopping 左 3 日, 但最後, 都係大出血買晒比自己, haha~ 原諒我 la, 唔係呢, jimmy choo d 袋同衰 ga, 不停咁同人招手, 我難忍 ga ma…..不過你放心, 我會再 shop 多 3日, 搵份堅正既 gift 比你~ hehe~ 見到你 blog 個 d 狗仔相, 我突然間諗起, 係 wor, 我係有隻狗 “fred 仔” ga wor….放左係舊屋同屋企人住, 有一排冇探佢 la, 係時候去拜訪下…佢就冇你個批狗仔咁幸福 la, 日日可以落街玩, 仲有一堆仔仔女女, 因 fred 仔一早已被 xx, 依家係 “fred公公” la…  
睇番之前同佢影個 d 相, 上年既我好似瘦好多, ai……做女人依家野, 有時都真係幾煩, 顧依樣又要顧個樣, 貪得 fit 黎又要顧個樣, 顧得樣黎又要顧個頭, 顧得頭黎又要顧 d 衫, 顧得衫黎又要顧儀態, 真係超多野要顧, 難怪咁多人話 “扮靚” 係女人終生事業。真係要顧一世!!!! 聽過一個朋友講: “唉, 理咁多做乜丫, 到時老左, d 野味又係咁變晒型, 樣衰晒~”……此言真係非也, 雖然人係會老化姐, 都要盡辦法去整慢個老化 ga ma.... 即使係老, 都要做老婆婆中較正既一個 ga ma…..除左你老公會開心 d 外, 自己見到自己靚都開心 d la~ 雖然內涵始終都係最緊要, 但加埋一個 sharp 既外表, 就當係一個 bonus, 令自己邁向perfection~ ^v^ To 剛失戀既朋友: 你 ar, 唔好因為失戀而搞到自己殘晒 ar, 唔開心還唔開心, 都要 keep 好自己, 為未來既 perfection 鋪路~ 世界多大, 下一個話唔定更適合你, 更錫你呢~ ^v^ | | |
| 依排唔知我個 xanga 做咩呢, 成日都留唔到言, 但我又load到入去睇ga wor~ 所以之前如果有遲reply你地, 請見諒, 唔好意思~ 我依輪好happy~ (你地又唔洗問我happy係味因為有新男友or結婚之類la, happy唔一定因為愛情ga ma~) 我happy係因為我忙!!!!!!! Hehe~ 我好鍾意忙ga, 因為忙 = 個人唔無聊 = 做人好充實~ 但我又未至於變態到好多野做就好high既~ 忙唔一定只係講工作ga ma~ 我既忙 = 忙教書工作 + 忙玩 + 忙扮靚 + 忙做自己鍾意做既野~ 上個week就忙去睇 concert, 去左睇何韻詩尾場concert, 真係正~ 我鍾意睇 “型野”, 我鍾意睇一d唔係只係靠樣既歌手表演, 我鍾意睇到人著靚衫, 跳勁舞, 講另類得黎又有point既野, 所以我鍾意佢~ 身邊既朋友們, 無論你地有幾唔鍾意佢都好, 請接受世上有 “和而不同”, 唔好再發爛渣 + 冇point地狠批了~ “你們仍然未得勝”~ hoho~    
雖然concert 個晚欠缺我既love song “如無意外”, 但 “金剛經” + “木紋” + “明目張膽” + sammi 已經夠令我尖叫1千次~ 同樣夠晒格既sammi 都係我既至愛~ hehe~ 剛剛個public holiday, 好友又聊我打牌, 今回我要say no la, 因為一早已應承family陪佢地去長隆玩番2日~ 返大陸玩最怕就係要迫過關 / 迫火車 / 迫直通巴, 好彩家下可以包7人van直接過關姐, 唔洗帶帽 + 黑超, 包到自己成個木乃伊咁怕比人認出~ 自從ocean park 個水上樂園早前消失於人間後, 我好耐冇玩過水上野la~ 長隆依個仲勁過當年ocean park個個, 幾exciting~ good! 馬戲表演, 對上個次睇好似得10歲, 距離依家足足…足足…足足… “幾年” 啦! 好有feel, 好睇~ 過山車就玩得多, 1 日內玩3款唔同既就未試過~ 其中有個傻的, 90度角, 望住地下直衝, 好彩我身上冇咩假野, 否則一定一次過甩晒~ 其實我影左好多相ga, 但好多都係係我最驚嚇時影既, 面目可憎, 你地睇完一定所有野食都難以嚥下, 都係算吧la~  
最後睇左個 show, 有d失望, 因為同美國Universal Studio 個個一樣既…我兩年前睇過, 今日睇都係一樣, 佢地真係lazy, 唔upgrade下, 唔OK ar… 
| | |
| 各位, 中秋快樂 ar~ 係就係遲左 d 先講, 唔好介意~ 因我都快樂不知時日過, 狂 bbq 狂玩狂周圍去, 都唔記得左開個 post 同大家拜個 “中年”, hehe~ 你地依家係味唔興玩燈籠 ga la? 個個上晒 facebook 玩? 聽聞係 Internet 可以同人一齊玩煲蠟, 咁條街一定少左好多“靚青”~ ai, 依家咩都興係網上搞掂, 冇左我以前同成班 fd 係街玩燈籠既氣氛, 自己成功點著枝蠟燭其實好有成功感 ga, 保護佢唔比佢熄都好有使命感 ga, 依家就當然個個都唔敢 la, 怕比差人拉 ma~ 今年有人送左盒 7 彩月餅比我, 我 ar 媽切完後問: " ar 女, 你要咩色 ar? 比你揀先!"....我諗左 10秒, er左好多野, 然後答佢 “黃色丫”~ ar 媽話: "搞錯 ar, 諗咩色你都要諗咁耐 ga...咁就死 la. 第日有人同你求婚, 你味要諗成粒鐘先應承, 唔方嫁得出 la 你....".... ar 媽, 係依 d "人月兩團圓"既日子, 你居然咒你個女嫁唔出, 你實在..太...太.....xx la... 其實我都好羨慕一 d 好清楚知道自己鍾意咩顏色既人…試過一次有個學生問我鍾意咩顏色, 我諗左 好耐, 然後問番佢, 咁你又鍾意咩顏色, 佢諗都唔洗諗咁, 就答 “紅色”.....…點解我要諗既? …之後, 我就有一晚用左15分鐘, 好認真咁諗下我究竟鍾意咩顏色依個問題…我終於有答案 la…其實…我係…鍾意….”浮動色”!!! 我發覺係唔同既環境, 我既喜好係會變的~ 我係 "善變人" ar~ 係睡房, 我鍾意好淺既粉紅色, 夠柔和又夠浪漫~ 係客廳, 我鍾意米色, 夠 comfortable 我先想成日返屋企 relax~ 係書房, 我鍾意綠色, 可隨時望望減減壓~ 係廚房, 我鍾意彩色, 咁先有多 d ideas cook 多 d 唔同款既美食~ 係廁所, 我鍾意超白色, 因睇野要夠清楚, 冇論係睇書 or 睇住某 d 野去清潔一番~ 著衫, 我鍾意黑白色, 一來因配合命格, 二來睇上黎 professional 一 d, 型一 d~ 頭髮, 我鍾意紫色, 因黑太普通, 金太飛女, 綠太騎呢, 白太老妖~ 至於電話, 我鍾意 colourful 的, 因我貪玩, hehe~ 最近見到有 2 部新出既電話都幾吸引, 正考慮買邊一部好既時候, 已有有心人 2 部都送左比我, 真係一個好有心既有心人, 本應係超開心, 但煩惱又隨之而來, 究竟用邊部好呢??!!....以前用開 iphone, 真係覺得好好, 好適合女仔用, 易用又多野玩, 外型又唔算大~ 之後因為 camera 壞了, 被迫轉另一部, 就試左 n97~ 本來對佢期望都好大下, 但買左 3 日都唔夠, hang 機 9 次….我依 d 心急又“文憎”既女人, 多次想連機帶殼兜野沖佢落屎坑, 念在佢 trade 番出去都值 3-4千, 我先忍住手!!! 依家再轉, HTC Hero / LG透明手機….   
一拎上手, 當然即搶部 Hero 開黎玩 la, 真係有 d 似 iphone, 但又多野玩過 iphone, 我用左 2 hr 去裝飾個版面, hehe~ 整 colourful d, 我會鍾意多 d~ 搞掂晒 d setup 之後, 眼尾出現左被遺忘中既 LG…好…即管開埋黎睇下你有咩 “fu fit”…一開機, 今次大獲了..原來佢都好鬼鬼馬 ga, d function 都好得 ga, 個透明數字版又識發光, 又可以係上面寫野, 就係咁, 又拎住 2 hr 唔放手….  
人就係咁, 冇得用又唔開心, 有 2 部用又煩唔知用邊部好….同男朋友一樣, 冇又 dry, 多過一個又煩…..做人就係咁矛盾~~~ (不過我都係寧願有得揀.....hehe~) | | |
| 作為一個典型既香港人, 我都幾鍾意襯熱鬧~ hehe~ fling頭小丸子一出, 一定儲齊一套, 唔用都襯下熱鬧 ma… 靚模 cushion 一出, 唔買都去裝下佢咩樣先, hehe~ 近排奶茶大王 hit 起, 當然要襯下熱鬧去試下啦~ 有日 lunch 去深井食燒鵝, 順便就去試下傳聞中 $68 杯既奶茶… 個老闆, 哈, 真係好鍾意講野… 我自問都叫口水多, 佢比我仲多… 佢拎住個煲, 我以為佢係行去拎水即場煲水整奶茶, 點知由佢拎起個煲既一刻開始計, 直至第 1 滴水正式掂到個煲既一刻, 需時 20 mins… 佢好搞笑, 佢不停講野… 講奶茶既起源、水溫要求、茶葉品種, etc etc etc etc…….當然佢講完我好快就唔記得, 因為我成個腦都只係得一個 concept: “快 d 有得飲!!! Come on!!!! 快 d!!!”   
入口既一刻…hm…又確係同一般飲開既唔同, 冇澀味, 好滑, 淡淡既茶香…望一望老闆既樣, 佢似乎好期待我讚佢, 佢不停話, 有 after-taste 的, 個茶香會留係個口度 1 個鍾….我微笑點頭左 1 野, 佢即刻一支箭咁再衝去雪櫃, 倒左杯特製芒果味奶茶過我… 依杯就真係超過癮, 未飲過有 mango 味既奶茶, 好搞笑, 佢仲叫我下次再黎過, 整杯榴槤味既 coffee 比我試下, 聽到都好吸引~    
不過唔知幾時先再有下次 lu, 因為佢話好快唔做 la wor, 佢話佢整奶茶唔係為 $, 而係佢好鍾意表演 ga wor, 佢將會停工, 周圍去表演整奶茶咁話, 我真係好想講: “我 d 學生都想睇你即場煲奶茶, 可唔可以即場整幾千杯佢地試試?”…hehe~ 睇到佢面上既表情, 我感覺得到佢好自豪, 大概可能係因為佢自己發明左既野, 終於得到廣泛認同……我都明, 年紀大了, 如其你比 1 千萬佢享受人生, 不如多與佢分享人生, 同佢研究下點整一杯有 pizza 味既奶茶、三文魚壽司味既奶茶、燒賣味既奶茶、乳鴿味既奶茶, 佢可能仲開心~ 可能到我老左既時候, 你問我 present tense 點用, 我答你得到既滿足感, 或者大過你比 1 百萬我既~ 可能啦~ maybe la~ 或許la~ hehe~ 好耐都冇學 d ar 伯 ar 婆咁去嘆番 1 樽兩件 la, 今晚去左廟街, 搏夜左冇乜人行, 少人認出, 整個 casual look 周圍食先~ 拎相機扮遊客影 2 張, 冇人理我, yeah~   
| | |
|
